கடித்தாலும் இனிக்கும்

கடித்துக் கரும்பினைக் கண் தகர நூறி

இடித்து நீர் கொள்ளினும் இன்சுவைத்தே ஆகும்

வடுப்பட வைதிறந்தக்கண்ணும் குடிப்பிறந்தார்

கூறார்தம் வாயால் சிதைந்து

நூல்: நாலடியார்

பாடியவர்: சமண முனிவர்கள்

கரும்பைப் பல்லால் கடிக்கிறோம். அதன் கணுக்களைச் சிதைக்கிறோம். இயந்திரத்தில் போட்டு நசுக்குகிறோம். இப்படி அதனைப் பாடாகப் படுத்திப் பிழிந்தாலும், அந்தச் சாறு கசப்பதில்லை. இனிய சுவையோடுதான் இருக்கிறது.

அதுபோல, நல்ல குடியில் பிறந்தவர்களை மற்றவர்கள் எவ்வளவுதான் திட்டினாலும் அவமானப்படுத்தினாலும்கூட அவர்கள் கோபப்பட்டுத் தவறான வார்த்தைகளைச் சொல்லமாட்டார்கள். எப்போதும்போல் இனிமையாகவே பழகுவார்கள்.

துக்கடா

  • இன்றைய பாடலைத் தேர்ந்தெடுத்துத் தந்தவர், நண்பர் திரு சுந்தர் வேல். அவருக்கு என் நன்றி
  • எச்சரிக்கை, இந்தப் பாடலை உங்கள் மேனேஜர் கண்ணில் காட்டிவிடாதீர்கள் 😉
  • ஓர் அறிவிப்பு. அடுத்த 4 நாள்கள் பயணத்தில் இருப்பேன். இணையம் சரியாகக் கிடைக்குமா என்று தெரியவில்லை. #365paa பதிவுகள் ஒழுங்காக வந்துவிடும், ஏற்கெனவே எழுதி Schedule செய்துவிட்டேன். உங்களுடைய Comments உடனே approve ஆகாவிட்டால் மன்னிக்கவும்
  • இன்றைய அரிய சொல் : நூறி = தூள் தூளாக்கி (அற்புதமான வார்த்தை இது. இன்றைக்கும் பயன்படுத்தமுடியும். யாராவது ஒரு சினிமா சூப்பர் ஹீரோ சொன்னால் மீண்டும் புழக்கத்துக்கு வரக்கூடும். உதாரணமாக, கீழே உள்ள கம்பன் வரியைப் பாருங்கள்!)
  • உதாரணங்கள்:
  • 1. வெங்கணை நூறி நூறி ராமன் நுறுக்கினான் : கம்ப ராமாயணம்
  • 2. பாதகங்கள் வேறி நூறி நீதியின் சொல் வேத வாய்மை பாடும் அன்பர் : திருப்புகழ்
110/365
Advertisements
This entry was posted in அறிவுரை, ஆசிரியர் பெயர் தெரியாத பாடல்கள், உவமை நயம், நண்பர் விருப்பம், நாலடியார், வெண்பா. Bookmark the permalink.

3 Responses to கடித்தாலும் இனிக்கும்

  1. //கூறார்தம் வாயால் சிதைந்து//

    🙂
    உண்மை தான்!
    இது ஏதோ “புனித பிம்பம்” என்பதற்காக அல்ல! இயல்பே அப்படித் தானோ? அதான் போல கரும்பை, உவமையாக் காட்டிட்டாரு!

    //குடிப்பிறந்தார்//
    நல்ல குடியில் பிறந்தவர்களை = இது நல்ல “குலத்தில்” பிறந்தவர்கள்-ன்னு தப்பா பொருள் எடுத்துக்க கூடாது!

    நற்குணம் என்பது பரம்பரை பரம்பரையாகவோ, பிறப்பால் வருவது-ன்னு சொல்லீற முடியாது!
    * குடி = சமூகம்
    * குடிப் பிறந்தார் = நல்ல சமூகத்தில் உள்ளவர்கள்!
    குடியியல்-ன்னே அதிகாரம் உண்டு குறளில்!

    தூத்துக்குடி, எட்டுக்குடி, காரைக்குடி-ன்னு எத்தனை குடி இருக்கு! அதான், குடி=சமூகம்!

  2. GiRa says:

    நூறி என்னும் சொல் தெலுங்கில் இன்றும் உள்ளது. நூறி என்பது நசுக்கி அரைப்பதைக் குறிக்கும். அதாவது அம்மியில் அரைப்பதற்கு நூறுவது எனப் பொருள்

    மசாலா அன்னி பெட்டி நூறிஸ்தாவா – மசாலா எல்லாத்தையும் வெச்சு அரச்சுக் கொடுக்கிறையா

  3. amas32 says:

    என்னதான் துன்பம் வந்தாலும், பிறர் இகழ்ந்தாலும் பொறுத்துக்கொண்டுப் போவது தான் தமிழர் பண்பாடு என்று தெரிகிறது. ஆனால் படியது சமண முனிவர்கள், அதனால், பொறுமையே குலப் பெருமை என்று போற்றிப் பாடுகிறார்கள்.
    amas32

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s